Kot Menua Yalta ba Crimea deka madahka pemutus sida, pasal kes Menyadi Artem Gerasimov kena 3 Mac 2020. Orang ke bedawa minta Menyadi Gerasimov dijil pengelama enam taun ketegal pengarap iya.

Kena 20 Mac 2019, Menyadi Gerasimov ditan lalu ditasat. Ba hari nya mega, Federal Security Service (FSB) datai ngenyit ngagai lapan buah rumah Saksi Jehovah ba Alupka, enggau Yalta di Crimean. Bala piak bekuasa nyelungkai rumah sida, lalu ngambi komputer, perengka eletronik ke bukai sereta Bup Kudus. Udah nya, FSB nuduh Menyadi Artem Gerasimov ngatur pengawa “ekstremis”, laban iya benung berandauka Bup Kudus enggau orang bukai.

Bala menyadi kitai napi utai ti enda lurus ketegal pengarap sida. Tang kitai amat andal, Jehovah deka nulung sida mengkang berani sereta kering.—Masmur 138:3.