Kena Hari Dua, 7 April 2020, bejuta iku Saksi Jehovah enggau orang bukai ke bisi minat deka begempuru ngintu pengawa ti pemadu spesial tiap taun, iya nya, Ngingatka Pemati Jesus. Tang, ketegal penyakit berampit COVID-19, atur pasal pengawa nya ke taun tu mimit bebida ari ke suba. Mayuh orang di serata dunya deka begulai ngintu pengawa tu nengah video call.

Ba mayuh menua, piak ti bekuasa nagang orang ari begulai enggau bala mayuh laban penyakit coronavirus majak ngerampit. Ketegal tu, mayuh eklisia di serata dunya ngena video call ngambika bejalaika gempuru sida ninting minggu. Eklisia ke udah teleba enggau atur tu deka ngintu pengawa Ngingatka Pemati Jesus ngena video call mega. Ke orang mayuh ti ukai sebagi ari sesiti eklisia, cheramah ke udah dirikut ulih dipeda nengah jw.org.

Taun nyin kemari bisi lebih 20 juta iku orang datai Ngingatka Pemati Jesus. Kitai arapka taun tu bejuta iku orang deka enggau kitai ngintu pengawa Ngingatka Pemati Jesus nengah video call, telefon, tauka meda program ke dirikut ba jw.org.

Ba mayuh menua, penyakit tu amat ngenakutka sereta majak ngachau nyawa orang. Ngambika nyaga pengelikun bala menyadi Kristian, semua kitai enda tau enda nitihka iring ari piak ti bekuasa nyentuk ngagai maya ke likun agi. Taja pia, kitai andalka Jehovah deka nulung kitai, lalu kitai keran deka ngasika pesan Jesus ke madah: “Kereja tu kena ngingatka aku.”—Luke 22:19.