Raban ti Ngiring Saksi-Saksi Jehovah minta sekeda pampang opis nguji berengkah baru pengawa begempuru ba sekeda endur. Pampang opis deka milih Palan Gempuru ba endur alai mayuh orang divaksin sereta kes kurang. Sigi amat, semua atur tu deka nitihka SOP ke udah ditetapka perintah pasal begulai enggau mayuh orang ba siti endur. Jaku gerah tu udah dibacha ngagai ruang bilik Betel di serata dunya kena Hari Lima, 15 Oktober 2021.

Bala menyadi deka meresa asil ari atur tu lebuh ngaga pemutus sekalika ulih begempuru baru ba eklisia bukai. Jaku gerah tu mega madahka, ke mayuh bala menyadi, sebarang pengawa ke dipejalaika begulai ba mua orang mayuh deka ditangguh nyentukka pengudah 1 Januari 2022.

Kitai amat beterima kasihka pengibuh Raban ti Ngiring ke bala menyadi ba serata dunya, sereta pemutus ke digaga enggau bejimat bekaul enggau neruska pengawa begempuru. Besampi meh ngagai Jehovah ngambika terus ngiring sereta merekatka atur tu.—Jaku Dalam 14:16.