Baru-baru tu bisi ubah ti baru ba jw.org ke udah dipinta mayuh orang. Diatu nuan ulih milih setting ke tampak tauka petang.

Setting mode petang mandangka tulis enggau gambar ti tampak ba skrin ti chelum. Sekeda orang rindu agi ngena setting tu laban sida enggai meda skrin ti kelalu tampak. Setting tu amat ngena enti nuan ba endur ke petang tauka enti mata nuan jampat lelak meda skrin. Setting tu pan manah ke orang ke enda lansik meda tauka bisi mata ti sensitif.

Kena nukar setting gamal laman web, turun ngagai ujung laman web lalu tekan “Setting Gamal Laman Web.” Enti nuan nekan “Sistem,” gamal jw.org deka sebaka enggau setting ke udah ditetapka ba perengka elektronik nuan. Tauka nuan ulih nekan “Tampak” tauka “Petang” enti nuan deka netapka setting gamal jw.org lalu enda berubah nitihka setting ba perengka elektronik nuan.

Setting gamal baka tu bedau bisi ba aplikasi JW Library, tang ila fungsi tu deka ditepuka ba aplikasi nya. Kitai beterima kasih ngagai Jehovah ke semua perengka digital ke ulih nulung kitai negapka pengarap lalu seruran digaga manah agi.