Kena 19 Mac 2021, Komiti Hak Mensia ari PBB (CCPR) minta perintah Tajikistan ngereja utai enggau jampat kena nyelamatka pengerai Menyadi Shamil Khakimov ke beumur 70 taun. Menyadi kitai ke sakit nya udah dijil kenyau ari Februari 2019 ketegal pengarap iya. CCPR nya udah minta piak ti bekuasa Tajikistan ngeluarka Menyadi Shamil ari rumah jil, lalu mindahka iya ngagai sepital spesial alai iya ulih berubat. Nambahka nya, seraya CCPR meresa kes iya, sida pan minta ukum ke diberi ngagai iya ditukar ngambika iya enda ibuh dijil agi.