Kena 7 Januari 2021, kot soldadu ba Tajikistan ngumbai Menyadi Rustamjon Norov besalah lalu meri iya ukum jil dalam tiga taun setengah laban iya enggai nyadi soldadu ketegal pengarap iya.

Sebedau kot ngaga pemutus ba kes iya, Rustamjon bepeluang bejaku ba mua bala ba kot. Enggau berani, iya ngena beberapa ayat Bup Kudus kena nerangka kebuah iya tetap enggai nyadi soldadu. Iya mega nerangka nama utai ke udah nulung iya mengkang taluk ngagai Petara.

Iya nyebutka utai ke ditulis ba Pilipi 4:13: “Aku ulih ngereja semua utai ulih Iya ke meri aku pengering.” Iya nampung: “Sekumbang penguji tu, aku ngasaika Petara aku, iya nya Jehovah, udah nulung aku sereta ngeringka aku ngambika aku enda nyadi lemi semengat, tang meruran gaga ati sereta terus tuchum. Ketegal tu, aku amat beterima kasih ngagai Iya, lalu aku temegah ati laban ulih nyadi Saksi Iya sereta nyembah Iya.”