Kena 10 September 2019, Kot Menua Tajikistan mutuska Menyadi Shamil Khakimov dijil pengelama tujuh taun setengah. Iya dikumbai besalah ketegal iya madahka pengarap diri ngagai orang bukai. Saksi-Saksi Jehovah ngapil kes tu.

Menyadi Khakimov ke beumur 68 taun berengkah ditasat kena pun taun 2019. Kena 26 Februari, iya dituduh “nyungkak pengeringat ba pengarap” lalu ditangkap. Udah nya, iya ditangkap pengelama enam bulan sebedau kes iya dipechara. Pemerinsa ke ditapi Menyadi Khakimov ukai semina ba pengawa ke enda lurus. Iya mega bisi penyakit tinggi darah, lalu baru aja deka gerai pengudah beputung.

Tu keterubah iya Saksi-Saksi Jehovah dijil ba Tajikistan kenyau ari taun 2017. Ba taun nya, Daniil Islamov ke beumur 18 taun diukum pengelama enam bulan jil ketegal enggai ngena baju seragam soldadu. Tajikistan nya siti ari lima buah menua ke ngejil bala Saksi-Saksi Jehovah ke diatu. Empat iti da agi menua ke bukai iya nya, Eritrea, Rusia, Singapura, enggau Turkmenistan.

Kitai besampi ngambi Jehovah terus ngeringka Menyadi Khakimov, betan dalam pengarap maya napi penguji tu.—Rome 15:5.