Kena 16 Ogos 2019, ba hari keterubah konvensyen pelilih menua ba Nong Khai Thailand, Saksi-Saksi Jehovah ngeluarka Bup Kudus salin dunya baru jaku Gerika dalam bansa jaku Laos. Bup Kudus tu dikeluarka menyadi Plakorn Pestanyee, seiku ari Komiti Pampang Opis Thailand.

Tim penyalin projek tu bisi tiga iku menyadi. Sida bekerejaka projek tu pengelama setaun setengah. Seiku ari sida madahka, “Bup Kudus tu disalin ngena jaku ke suah dikena mayuh orang, tang reti iya tetap sama enggau ke asal. Nya alai, orang ke belajarka Bup Kudus ulih meretika utai ti dalam ari Petara.”—Jop 11:7.

Salin tu ngembuan perengka kena belajar ke amat beguna lalu ngenyenangka agi belajarka Bup Kudus. Ngambika chunto, bisi indek ke ngenyenangka agi pemacha ngiga ayat Bup Kudus, sereta bisi penerang kena nerangka jaku ti tusah dimereti dalam Bup Kudus. Seiku da agi penyalin projek nya madahka, “Lebuh kami ngena salin baru tu ngajar Bup Kudus, orang ke ditulung kami nya senang agi deka nemu poin ke dikemeratka dalam ayat nya. Nya amat negu ati sida, nyentukka sida ulih amat ngelala Jehovah lalu rinduka Iya.”

Kitai amat pechaya, Bup Kudus salin dunya baru jaku Gerika tu nulung bala menyadi kitai ke ngena bansa jaku Laos, “disikap ngereja genap macham pengawa ti badas.”—2 Timoti 3:16, 17.