Kena 11 Januari 2021, kot soldadu ba Turkmenistan ngukum Menyadi Ruslan Artykmyradov lalu mutuska iya dijil pengelama dua taun. Tu meh kali kedua Menyadi Ruslan dijil ketegal enggai nyadi soldadu.

Pengudah pemutus tu diberi ba kot, Ruslan ngayanka diri lantang ati sereta tuchum. Lebuh iya dibai pansut ari kot, iya nyebutka jaku Jesus baka ke ba Matthew 24:13, “Orang ke tan datai ke ujung, deka diselamatka.”

Pemesai pengarap bala menyadi kitai ke biak ba Turkmenistan, nyadika peransang ngagai semua kitai. Sida sanggup nitihka singkang Jesus, ke udah natka diri diperinsa ‘ketegal pengaga ti deka diasaika iya.’—Hebrew 12:2.