Kena 18 Januari 2021, Menyadi Artur Yangibayev diberi ukum jil pengelama dua taun ba Turkmenistan ketegal iya enggai nyadi soldadu. Tu kali kedua iya dikumbai besalah ketegal nulak pengawa soldadu lebuh iya dikangau.

Artur Yangibayev

• Ada: 1997 (Seydi)

• Biograpi: Lebuh agi mit, Artur napi mayuh penanggul. Tu ngasuh iya berundingka nama kebuah mayuh utai ti enda lurus nyadi ba dunya tu. Iya berandauka tanya tu enggau kaka iya ke udah nyadi Saksi Jehovah. Tu ngujungka iya berengkah belajarka Bup Kudus lebuh iya beumur 13 taun. Iya dibaptisa kena taun 2014

  Iya gawa nyeruri apartment. Apai indai Artur madahka iya anak ti menyana, betanggungjawap sereta manah ati. Orang ke berimbai pendiau bebasaka iya laban iya orang ke lurus

Kena 8 Ogos 2016, iya ditan nyentukka kes iya dipechara, laban iya nulak pengawa soldadu. Kena 30 Ogos iya diberi ukum, iya nya ditan ba kem pengawa berat pengelama dua taun. Timpuh ukum Artur nya tembu kena September 2018.

Kena 15 Disember 2020, iya dikangau baru nyadi soldadu. Enda lama udah nya, iya ditasat piak ti bedawa lalu diasuh nuliska kebuah iya nulak pengawa soldadu.

Kena 30 Disember, opis penawa madahka iya, iya dituduh ngereja pengawa jenayah. Pasport iya pan dirampas maya nya.

Pengudah Artur dijil kali keterubah, iya madah “ayat Bup Kudus ba Rome 8:37-39 ngasuh aku andal, nadai orang tau nagang aku ari mengkang taluk ngagai Jehovah.” Kitai nemu, enggau saup ari Jehovah, Artur mega deka mujur napi penguji baru tu.