Kena 3 September 2020, Kot Pelilih Vekilbazar ba Begian Mary meri ukum jil pengelama setaun ngagai Menyadi Myrat Orazgeldiyev ketegal iya enggai nyadi soldadu, bepelasarka pengarap iya. Iya deka ngapil pemutus tu.

Myrat Orazgeldiyev

• Ada: 2002 (Nengeri Mary)

• Biograpi: Iya gawa nyadi waiter kena melanja diri sebilik. Indai ngajar iya pasal Jehovah kenyau ari mit. Iya rindu main sukan sereta nulis leka lagu.

Kena Jun 2020, sebulan pengudah Menyadi Myrat genap 18 taun, iya dikangauka opis ngerejister nyadi soldadu. Menyadi Myrat nerangka kebuah iya enggai nyadi soldadu lalu madahka, ari ke nyadi soldadu, iya sanggup ngereja sebarang pengawa bukai ke meri penguntung ngagai orang mayuh.

Kena 1 Julai 2020, tiga iku pegawai soldadu nguji mai Menyadi Myrat ari rumah iya. Tang iya enggai nitihka sida. Pengudah nya, iya diperesa seiku lutur lalu lutur nya madahka iya ngembuan pengerai ti manah, sereta nadai penanggul nyadi soldadu.

Maya 14 Julai 2020, piak bedawa ngangau lalu nasat Menyadi Myrat. Kena bulan Ogos, iya didawa ngereja jenayah lalu haribulan ditetapka alai kes iya deka dipechara.

Kitai besampi, sereta andalka Jehovah deka seruran meri pengering enggau pemerani ngagai Menyadi Myrat. Pia mega enggau sida ke sepuluh iku, menyadi lelaki biak ke bukai, ti dijil ba Turkmenistan.—Masmur 31:24.