Kena 26 September 2018, Mahkamah Agung “Republik Rakyat Donetsk” (RRD) ngumbai bala Saksi-Saksi Jehovah orang ke “ekstremis.” Ketegal tu, pengawa Saksi-Saksi Jehovah ditagang. Kes tu berengkah ketegal jaku tuduh ari orang ke minta pengawa kitai ditagang. Tang, sida tauka orang ba kot enda kala mai bala Saksi-Saksi Jehovah lebuh besebutka kes tu. Berengkah ari tu, mayuh pengawa Saksi-Saksi Jehovah ditagang sereta sida mega napi mayuh pemerinsa ba RRD.

Ba tengan taun 2017, Mahkamah Agung RRD pan ngumbai litaricha ke dikeluarka kitai “ekstremis.” Ketegal tu, bala menyadi kitai ke diau ba Donetsk enggau Luhansk begunaka bantu. Sepemanjai taun 2017, lebih ari 170 iku Saksi-Saksi Jehovah ditasat bala pegawai polis. Palan Gempuru kitai ba endur nya mega dirampas piak ti bekuasa. Nyentukka ngagai 29 Ogos 2018, bisi 16 iti Palan Gempuru kitai udah dirampas.

Taja pan pengawa kitai ditagang, bala menyadi kitai tetap andalka Petara Jehovah deka nyelamatka nembiak Iya.—Masmur 18:46.