12 APRIL 2021
ZAMBIA
Bup Kudus Salin Dunya Baru Jaku Gerika Dikeluarka Dalam Jaku Mambwe-Lungu
Kena 3 April 2021, fail bansa elektronik Bup Kudus Salin Dunya Baru Jaku Gerika dikeluarka dalam jaku Mambwe-Lungu. Menyadi Albert Musonda, seiku ari Komiti Pampang Opis Zambia, ngeluarka salin Bup Kudus tu nengah siti program video ke dirikut dulu lalu dipeda bala penginjil di Zambia enggau Tanzania. Bisi 2,531 iku penginjil ba Zambia ke ngena bansa jaku Mambwe-Lungu, sereta 325 iku penginjil ba Tanzania mega ngena bansa jaku tu, tang sida ngumbai nya jaku Fipa.
Tiga iku penyalin gawa begulai ba projek tu pengelama 21 bulan. Seiku ari sida nerangka, sekeda orang ke macha salin Bup Kudus jaku Mambwe-Lungu ke sebedau tu tusah meretika ayat Bup Kudus, laban salin nya ngena jaku ti lama ke nadai agi dikena orang. Seiku penyalin ke bukai madah pasal Salin Dunya Baru: “Salin Bup Kudus tu ngundan jaku ke dikena orang berari.”
Tentu pemeri ti manah ari Jehovah tu deka nulung mayuh orang ke ngena jaku Mambwe-Lungu bulih pengaga ati ari jaku Petara.—Masmur 1:2.
Nuan Engka Rindu Meda Tu
UTAI KE SUAH DITANYA
Kati Saksi-Saksi Jehovah Ngembuan Bup Kudus ti Enda Sama enggau Orang Bukai?
Ngena mayuh bengkah salin Bup Kudus ulih ngemanahka agi penemu nuan pasal Bup Kudus. Bisi tiga iti poin ke nerangka pemanah Bup Kudus Salin Dunya Baru, lalu nya amat beguna lebuh nuan belajarka Bup Kudus.
CHARA DUIT PEMERI DIKENA
Ngeluarka Bup ti Pemadu Beguna ba Dunya
Nuan engka enda kala nyadang pengawa nyalin Bup Kudus Salin Dunya Baru nya nyengkaum nyalin, nyelak, sereta nanggam.