Baka Ni Enti Aku Gian Meda Pornografi?

TEBAH

Baka Ni Enti Aku Gian Meda Pornografi?

Utai ke ulih dikereja nuan

Nemu reti pornografi. Pornografi digaga kena ngemaruhka utai ti patut dipebasa nitihka runding Petara. Enti nuan nemu reti pornografi, nuan ulih “begedika penyai.”—Masmur 97:10.

Perundingka utai ke nyadi. Pornografi ulih ngenyaika rita orang ke ngereja nya, sereta ngemaruhka moral orang ke ngereja pornografi. Bup Kudus ngelalau kitai, “Orang ke nemu berunding deka meda penusah datai, lalu belalai.”—Jaku Dalam 22:3.

Ngembuan prinsip idup. Seiku lelaki ke tetap ati ti benama Jop madah, “Aku udah besumpah madahka diri enggai merening ngagai indu enggau ati ti kanji.” (Jop 31:1) Ba baruh bisi beberapa iti “sumpah” ke ulih digaga nuan:

Aku enggai meda internet maya kediri.
Aku patut jejampat nutup iklan tauka laman web ke bisi mandangka gambar ti enda menuku.
Aku deka madah ngagai seiku kaban ti bepenemu-dalam, enti aku agi ngereja penyalah nya.

Suah agi nuan meda pornogafi, tusah agi nuan deka ngetuka ulah nya

Besampi. Pemasmur minta ngagai Petara Jehovah, “Anang ngasuh mata aku merening ngagai utai ti nadai guna.” (Masmur 119:37, NWT) Petara deka nuan mujur. Enti nuan besampi ngagai Iya, Iya ulih meri nuan pengering ngereja utai ti betul!—Pilipi 4:13.

Padahka asai ati nuan. Pilih seiku kaban ti deka ningaka asai ati nuan. Tu engka ulih nulung nuan ngetuka ulah ti enda manah nya.—Jaku Dalam 17:17.

Kingatka: Tiap kali nuan nulak pornografi, nuan menang besai! Padahka utai nya ngagai Petara Jehovah, lalu beterima kasih ngagai Iya laban udah meri nuan pengering. Ketegal ulih nyeliahka pornografi, nuan benung ngagaka ati Iya!—Jaku Dalam 27:11.