Jesus nadai kala mesan bala murid iya patut beranak tauka nagang sida ari beranak. Bala murid Jesus mega enda kala meri atur pasal pekara tu. Indah dalam Bup Kudus nadai kala nyebut nama-nama utai ke enda manah pasal utai ke dikena nyekat diri ari beranak.

 Nya kebuah laki bini ulih milih sekalika seduai iya deka bisi anak tauka nadai. Sida empu mega mutuska ni penyampau anak ke deka dikembuan sida. Enti sida deka ngena chara nyekat diri ari beranak tang nadai ngachau kandung, nya bepanggai ngagai pemutus sida empu. Nadai orang ulih masuk champur ba pekara tu, prinsip Bup Kudus bisi madahka, ‘Genap iku kitai deka madahka pasal diri empu ngagai Petara.’—Rome 14:12.