Bisi siti timpuh, Petara ngemendarka seiku lelaki ngembuan lebih ari seiku bini. (Pemungkal 4:19; 16:1-4; 29:18-29) Tang, kawin lebih ari seiku ukai tuju asal Petara. Iya semina meri seiku aja bini ngagai Adam.

 Petara ngasuh Jesus Kristus ngajar orang mayuh, tuju asal Iya pasal tikah, iya nya enda ulih kawin lebih ari seiku. (John 8:28) Lebuh orang nanya Jesus pasal tikah, iya nyaut, ‘Petara ti ngaga mensia lelaki enggau indu. Ku iya bejaku, “Ketegal nya, lelaki deka ninggalka apai enggau indai iya, lalu begulai enggau bini iya, lalu seduai iya deka nyadi setubuh.”’—Matthew 19:4, 5.

 Udah nya, seiku ari murid Jesus ke diiri Petara ngena roh kudus nulis, “lelaki patut bisi bini ke diri empu, lalu indu patut bisi laki ke diri empu.” (1 Korint 7:2) Bup Kudus mega bisi mesan, seiku lelaki Kristian ke udah kawin, lalu diberi pengawa nyaga ba eklisia patut “enda tau bebini lebih ari siku”.—1 Timoti 3:2, 12.