Ajar ari Bup Kudus bisi ngemendarka sarak nyadi. Tang, Jesus madahka semina siti aja kebuah sarak tau nyadi. Iya madah, “Nya alai, Aku madah ngagai kita, barang sapa muai bini, kelimpah ari bini iya butang, lalu orang nya bebini baru, iya butang.”—Matthew 19:9.

 Petara amat begedika pengawa sarak enti ukai ketegal ukum tu. Iya deka ngukum orang ke sepeneka ati muai kaling pengidup diri, kelebih agi orang ke sarak ketegal deka ngiga bini tauka laki bukai.—Malaki 2:13-16; Mark 10:9.