Ya, laban tulung ti pemadu besai datai ari “Petara ke ngelantangka ati orang ke lemi semengat.”​—2 Korint 7:6.

•   Pengering. Petara “ngelantangka ati” nuan, ukai enggau chara muai semua penusah nuan, tang enggau meri pengering ke dipinta nuan ari Iya dalam sampi. (Pilipi 4:13) Nuan ulih andal Iya deka ningaka nuan laban Bup Kudus madah: ‘Jehovah diau semak orang ke tusah ati lalu ngidupka sida ke nadai agi pengadang.’ (Masmur 34:18) Taja pan nuan enda ulih mantaika semua asai ati nuan nengah jaku, tang Petara agi ulih ninga sereta meretika nuan.​—Rome 8:26, 27.

•   Teladan ti manah. Siku penulis Bup Kudus besampi munyi tu: ‘Aku ngangauka Nuan, O Jehovah, laban aku balat tusah.’ Pemasmur tu ulih napi asai kemurungan tu laban iya ingatka Petara deka ngampun dosa kitai. Ku iya madah ngagai Petara: ‘Enti Nuan, O Jehovah nuliska dosa kami, sapa tan? Tang Nuan ngampun, ngambika kami nangika Nuan.’​—Masmur 130:1, 3, 4.

•   Harapan. Petara ukai semina ngelantangka ati kitai diatu, tang Iya mega besemaya deka muai semua penanggul ke ngasuh kitai tusah ati. Lebuh Iya ngamatka semaya nya ila, “semua utai ti lama [nyengkaum asai kemurungan] enda agi dikingatka.”​—Isaiah 65:17.

 Nota: Taja pan Saksi-Saksi Jehovah nemu Petara meri tulung ti besai, tang kami mega ngiga lutur lalu berubat enti bisi sakit, nyengkaum kemurungan. (Mark 2:17) Taja pia, kami enda madahka orang patut nerima sesiti chara berubat. Kami pechaya nya pemutus siku-siku orang.