Au. Enti orang nya ngubah ulah iya, Petara mega deka ngubah runding Iya pasal orang nya. Chunto, lebuh Petara madahka berita deka ngakim bansa Israel kelia, Iya bejaku, “Aku deka ngubah runding Aku lalu enda nyadi ngerusak sida ketegal semua pengawa sida ke jai.”—Jeremiah 26:3.

 Mayuh salin Bup Kudus madahka, Petara ‘nesal’ lalu enggai ngukum orang Israel. Ketegal tu mayuh orang saru penemu, lalu ngumbai Petara udah ngaga pemutus ti salah. Tang nitihka jaku Hebrew ke asal, leka jaku ‘nesal’ mai reti, “ngubah runding tauka niat ba ati”. Seiku professor nulis, “Enti mensia ngubah ulah iya, Petara mega deka ngubah pemutus Iya.”

 Taja pan Petara ulih ngubah runding Iya, tu ukai reti iya Petara patut ngubah runding Iya. Bup Kudus nunjukka, kekadang Petara enda ngubah runding Iya. Ba baruh tu bisi beberapa iti chunto:

•   Petara enda ngubah runding Iya, lalu enda ngemendarka Balak nyumpah orang Israel.—Penyampau 23:18-20.

•   Raja Saul nyadi jai lalu enda nesal ati. Petara nulak iya nyadi raja lalu enda ngubah runding Iya.—1 Samuel 15:28, 29.

•   Petara ngamatka semaya Iya deka milih Anak Iya nyadi Imam belama iya. Petara nadai sekali-kali ngubah runding Iya nya.—Masmur 110:4.

 Amat. Petara empu kala bejaku, ‘Laban Aku tu Jehovah, lalu Aku enda berubah.’ (Malaki 3:6) Dalam Bup Kudus mega bisi nulis, “Apai penampak ke enda berubah, ke enda mindah kin kitu baka ayuk.” (James 1:17) Tu ukai reti iya, ayat ke madahka Petara enda berubah nya salah. Petara enda berubah, reti iya ba kualiti Iya sereta standard Iya pasal pengerindu enggau pengelurus. (Ulang Adat 32:4; 1 John 4:8) Pia mega, Iya meda nama utai ke nyadi, sereta meri atur ti enda sama ngagai nembiak Iya. Chunto, Petara kala meri dua iti atur ti enda sama ngagai Raja David, tang dua iti atur nya sama bela ulih ngasuh David menang ba perang.—2 Samuel 5:18-25.

 Enda. Tang iya asa ati, laban mayuh orang enda pedulika Iya tauka ngelaban Iya. Lebuh Bah Besai nyadi jeman Noah, Bup Kudus bisi nulis, ‘Jehovah ngesal udah ngaga sida lalu ngengkahka sida di dunya tu. Iya balat amat ngesalka nya.’ (Pemungkal 6:6) Leka jaku “ngesal” ba ayat tu, datai ari leka jaku Hebrew ke sama reti enggau, “badu agi”. Reti iya mega, “ngubah runding”. Petara ngubah runding Iya pasal mayuh orang ke idup sebedau Bah Besai nya nyadi, ketegal sida balat jai. (Pemungkal 6:5, 11) Taja pan Iya tusah ati meda sida milih jalai pengidup ti jai, Iya enda ngubah runding Iya pasal tuju asal Iya ke mensia. Petara nentuka Noah sebilik ke tetap ati selamat, ngambika tuju asal Iya tetap nyadi.—Pemungkal 8:21; 2 Peter 2:5, 9.