Perintah Petara deka nganti semua perintah mensia, lalu merintah bumi. (Daniel 2:44; Pemandang 16:14) Maya tu ila, Perintah Petara deka . . .

•   Munaska semua orang ke jai, laban ulah sida ke berundingka diri empu, ngachau pengidup kitai. ‘Petara deka muai orang ke jai ari menua tu.’—Jaku Dalam 2:22.

•   Nadai agi perang. “[Petara] ngasuh perang badu agi nyadi di serata dunya.”—Masmur 46:9.

•   Dunya penuh enggau pemaik sereta pengelikun. “Semua orang deka diau bebaik enggau pangan diri ba sebelah kebun anggur enggau ba madang kayu ara sida, lalu nadai agi orang deka ngemba sida.”—Mikah 4:4.

•   Dunya tu nyadi paradais. “Menua puang deka rami gaga, lalu bungai deka tumbuh di menua ti kusi.”—Isaiah 35:1.

•   Bisi pengawa ti beguna, lalu ngelantangka ati semua orang. “Sida deka lantang ati bekenaka utai ti udah ulih sida. Pengawa sida deka mujur.”—Isaiah 65:21-23.

•   Nadai agi penyakit. “Nadai orang ke diau dalam menua kitai deka mutap madahka diri sakit.”—Isaiah 33:24.

•   Semua mensia ke idup ba baruh Perintah tu, nadai nemu tuai agi. “Tubuh sida deka mansang biak sereta kering baru.”—Jop 33:25.

•   Orang mati diangkatka idup baru. ‘Maya deka datai alai semua orang ke udah mati deka ninga nyawa iya, lalu deka pansut ari kubur.’—John 5:28, 29.