3:1-5

Nama kebuah Jesus balat sinu ati meda ulah bala tuai pengarap orang Judah? Laban sida ngasuh hari Sabat mar dititihka enggau nambah mayuh atur ti enda patut. Ambika chunto, kutu enda tau dibunuh. Pengawa ngeraika orang semina ulih dikereja enti orang nya nyau ka mati. Tu reti iya, enti orang nya patah tulang tauka tepiluk, iya enda ulih digeraika ba hari Sabat. Tu endang terang nunjukka, bala tuai pengarap enda ibuhka lelaki ke mati jari sepiak nya.