Berengkah ari taun tu, kitai bisi mayuh awak nyediaka diri ke pengawa Ngingatka Pemati Jesus. Enti Ngingatka Pemati Jesus kena tengan minggu, nadai gempuru Pengidup enggau Pengawa Kristian diatur minggu nya. Pia mega, enti Ngingatka Pemati Jesus kena ujung minggu, nadai cheramah sereta gempuru belajarka Menara Jaga diatur. Baka ni nuan ulih ngena awak ke lebih tu enggau manah agi? Baka ba kurun keterubah, mayuh atur digaga kena bejalaika pengawa ti spesial tu. (Luk. 22:7-13; km 3/15 1) Tang semua kitai patut nyediaka ati diri. Baka ni kitai ulih ngereja tu?

• Belematika kebuah kitai datai ba pengawa tu.—1 Kor. 11:23-26

• Besampi sereta berundingka kaul nuan enggau Jehovah.—1 Kor. 11:27-29; 2 Kor. 13:5

• Bacha sereta belematika litaricha enggau ayat Bup Kudus ke madahka reti Ngingatka Pemati Jesus.—Jhn. 3:16; 15:13

Sekeda penginjil macha sereta belematika ayat Bup Kudus maya Ngingatka Pemati Jesus ari Meresa Ayat Bup Kudus Ninting Hari. Penginjil bukai macha ayat Bup Kudus ngena jadual ke bisi ba baruh tu. Bisi mega ngelansa artikel Menara Jaga ke berandau pasal pengawa Ngingatka Pemati Jesus enggau pengerindu ke dipandang Jehovah sereta Jesus ngagai kitai. Enda ngira chara belajar ke dikena nuan, tu tentu ulih nulung nuan semak agi enggau Jehovah sereta Anak Iya.