Jakop bibat enggau melikat ngambika bulih utai ti berega iya nya berekat ari Jehovah. (P-kal. 32:24-31; Hos. 12:3, 4) Baka ni enggau kitai? Kati kitai bebendar ngasika Jehovah ngambika bulih berekat ari Iya? Ambika chunto, enti kitai patut milih entara datai ngagai gempuru enggau bekereja lebih jam, ni bagi ke dipilih kitai? Lebuh kitai enggau naka ulih meri Jehovah awak, pengering sereta utai ti dikemisi kitai, Iya deka meri kitai berekat “ti belimpah-limpah.” (Mal. 3:10) Iya deka ngiring, nyaga sereta nyediaka utai ti diguna kitai.—Mat. 6:33; Heb. 13:5.

PEDA VIDEO MENGKANG BEBERATKA JULUK ATI BA PENGARAP, LALU SAUT TANYA TU:

• Baka ni menyadi Kristian indu nya diuji enggau utai ti dikerinduka iya?

• Baka ni kereja kitai tau nyadi penguji?

• Nama kebuah Timoti agi patut netapka juluk ati ba pengarap taja pan iya udah nyadi orang Kristian ti tegap ba pengarap?—1 Tim. 4:16

• Baka ni kitai nunjukka pengawa nginjil nya utai ti pemadu beguna ba pengidup kitai?