Teladan Isaiah ke sanggup ngereja pengawa ke Jehovah patut ditunda kitai. Iya ngayanka pengarap lalu enggau jampat nerima pengawa, taja pan iya enda nemu semua pekara nya. (Isa. 6:8) Ulih nuan ngubah gaya pengidup nuan ngambika ulih nginjil ba endur ke begunaka mayuh agi penginjil Perintah Petara? (Mas. 110:3) Endang amat, nuan patut “ngira ungkus utai nya” sebedau ngaga pemutus. (Luk. 14:27, 28) Nuan patut sanggup ngelengkaka sekeda utai ngambika ulih ngereja pengawa nginjil. (Mat. 8:20; Mrk. 10:28-30) Baka ke ditunjuk ba video Pindah ngagai Endur ke Begunaka Mayuh Bantu, berekat ke diulih kitai ba pengawa Jehovah jauh manah agi ari utai ti dilengkaka kitai.

• Nama utai ke dilengkaka ruang bilik Williams ngambika sida ulih nginjil ba Ecuador?

• Nama utai ke diperundingka sida dulu lebuh milih endur alai sida deka nginjil?

• Nama berekat ke diulih sida?

• Dini nuan ulih tetemuka mayuh agi penerang pasal nginjil ba endur ke begunaka mayuh bantu?

• Baka ni kitai sebilik ulih ngerembaika pengawa nginjil? (km 8/11 4-6)

• Enti kitai enda ulih pindah ba endur ke begunaka mayuh bantu, baka ni kitai ulih nulung gempuru kitai empu? (w16.03 23-25)