Paul enggau Silas belagu muji Jehovah lebuh dikurung ba rumah jil. (SKR. 16:25) Lagu tentu ngeringka seduai iya ngambi ulih betan. Baka ni enggau kitai kemayaharitu? Lagu ke dikena ba sembah kitai sereta lagu asal ulih meransang sereta nulung kitai mengkang tetap ati lebuh napi penguji. Kelebih agi, lagu ulih muji Jehovah. (Mas. 28:7) Kitai diperansang ngingatka lirik beberapa iti lagu. Kati nuan bisi nguji ngereja nya? Kitai ulih ngena maya belajarka Bup Kudus enggau diri sebilik belatih belagu sereta ngingatka lirik lagu.

PEDA VIDEO BALA ANAK MIT MUJI JEHOVAH NENGAH LAGU, LALU SAUT TANYA TU:

• Nama penguntung belagu lagu Perintah Petara ba kitai?

• Baka ni Opis Audio/Video besedia sebedau ngerikut lagu?

• Baka ni bala anak mit sereta diri sebilik nyediaka diri sebedau ngerikut lagu?

• Nama lagu Perintah Petara ti dikerinduka nuan, lalu nama kebuah?