NAMA KEBUAH BEGUNA: Orang Kristian ti dipilih ke serega enggau bedus ti bukai, mai semua orang “ngambi ai pengidup nyadika pemeri.” (Pem. 22:17) Ai ke dipadah ditu ngambarka utai ke disediaka Jehovah kena nyelamatka mensia ti taluk ari dosa enggau pemati. Kena nulung orang ke ngembuan adat sereta jalai pengarap ti bebida, kitai patut madahka “Berita Manah ti meruan belama iya” enggau chara ke tau negu ati sida.—Pem. 14:6.

CHARA:

• Pilih topik sereta ayat Bup Kudus ti ngerinduka ati orang ba kandang endur nuan nginjil. Nuan ulih ngena chara ke ulih dikena berandau tauka milih topik ke udah mujur dikena nuan. Nama topik enggau ayat Bup Kudus ke dikerinduka orang ba endur nginjil nuan? Kati bisi berita ke benung dikerandauka orang diatu? Nama utai ke ngerinduka ati sida ke lelaki tauka sida ke indu?

• Kena jaku tabi sereta chara bejaku nitihka adat ba kandang endur nuan nginjil.—2 Kor. 6:3, 4

• Telebaka diri ngena litaricha enggau video ba Perengka Kena Ngajar ngambika ulih ngajar orang ke bisi minat

• Download litaricha enggau video dalam bansa jaku ke dikena ba kandang endur nuan nginjil

• Kena meh topik nitihka utai ti diguna orang ke bempu rumah. (1 Kor. 9:19-23) Ambika chunto, nama deka dipadah nuan enti orang ke bempu rumah nya baru lenyau orang ti dikesayauka?

PEDA VIDEO, LALU SAUT TANYA TU:

• Nama topik ke dikena penginjil berandau enggau orang ke bempu rumah?

• Nama utai ke benung nyadi ba pengidup orang ke bempu rumah nya?

• Ni bagi ayat Bup Kudus ke ngena agi? Nama kebuah?

• Baka ni nuan ulih ngubah chara nuan nginjil ngambika ulih negu ati orang ke ditemu nuan ba kandang endur nuan nginjil?