Sepemanjai sejarah Saksi-Saksi Jehovah, piak bekuasa udah nulung nembiak Jehovah. (Esr. 6:1-12; Est. 8:10-13) Indah ba maya ke diatu, kitai ulih meda “tanah” tauka dunya ke ngambarka piak ti bekuasa ke ulih dibai berunding, nelan “ai” pemerinsa ke datai ari “naga,” iya nya, Antu Sitan. (Pem. 12:16) Kadang-kadang, Jehovah, ‘Petara ti meri kitai pengelepas,’ deka ngena pemerintah mensia nulung nembiak Iya.—Mas. 68:20; J-lam. 21:1.

Baka ni enti nuan dijil ketegal pengarap nuan ke Jehovah? Anang kakang ati laban Jehovah seruran deka nyaga nuan. (P-kal. 39:21-23; Mas. 105:17-20) Nuan ulih andal, pengarap nuan deka diberekat lalu penetap ati nuan ulih meransang bala menyadi Kristian kitai di serata dunya.—Plp. 1:12-14; Pem. 2:10.

PEDA VIDEO MENYADI KRISTIAN ARI KOREA DILEPASKA ARI RUMAH JIL, LALU SAUT TANYA TU:

• Nama kebuah beribu iku menyadi Kristian lelaki kitai ba menua Korea Selatan dijil suba?

• Nama pemutus ari kot ke ngasuh sekeda bala menyadi kitai tumu dilepaska?

• Baka ni kitai ulih nulung bala menyadi Kristian di serata dunya ke benung dijil ketegal pengarap sida?

• Baka ni kitai patut ngena pengelepas ke dikemisi kitai diatu?

• Kebendar iya, sapa ke ngasuh kitai menang ba mayuh kes kot ke dipecharaka?