Kati nuan beumur entara 23 ngagai 65 taun sereta gawa penuh jam ke Jehovah? Kati nuan bisi pengerai ti manah, lalu kati nuan ulih gawa ba sebarang endur ti begunaka bantu? Enti saut nuan au, kati nuan bisi runding deka minta enggau Sekula Penginjil Perintah Petara? Kenyau ari kelas keterubah, beribu iku orang ke udah kawin, sereta bujang dara udah minta enggau sekula tu. Taja pia, kitai agi begunaka menyadi lelaki ke bujang. Pinta meh ngagai Jehovah ngambika nambahka pengeran nuan ke deka ngereja mayuh agi ke Iya lalu neladan Jesus. (Mas. 40:8; Mat. 20:28; Heb. 10:7) Lalu pikirka chara nuan ulih ngurangka tanggung pengawa sekular tauka pengawa bukai ngambika ulih enggau sekula nya.

Pengudah nerima latih, nama pengawa ke diberi ngagai sida lalu ba dini? Sekeda ari sida udah dianjung ngagai endur ke ngena bansa jaku bukai. Sekeda ari sida mega dianjung nginjil ba mua orang mayuh di nengeri besai. Bisi mega nyadi pengari tuai ti ngabas, tuai ti ngabas, tauka pengerintis seberai tasik. Seraya nuan berundingka utai ke ulih dikerejaka nuan ke Jehovah, arapka nuan ngembuan runding ti sama baka nabi Isaiah ke nyebut: ‘Aku, Jehovah! Kirumka aku!’—Isa. 6:8.

PEDA VIDEO PENGERINTIS SEBERAI TASIK—ORANG KE NGETAU, LALU SAUT TANYA TU:

• Baka ni pengerintis seberai tasik dipilih?

• Nama pengawa manah ti digaga pengerintis seberai tasik?

• Nama sekeda berekat ke diulih ari pengawa sida ke nyadi pengerintis seberai tasik?