Jesus ngajar: “Kita udah nerima ngena chara pechuma, nya alai beri ngena chara pechuma.” (Mat. 10:8) Kitai nitihka pesan tu enggau enda minta orang mayar Bup Kudus tauka litaricha Bup Kudus kitai. (2 Kor. 2:17) Taja pia, litaricha tu ngembuan pemendar ti berega ari Bup Kudus. Mayuh pengawa sereta belanja dikena nyelak lalu nganjung litaricha ngagai eklisia ba serata dunya. Nya alai, kitai patut semina ngambi litaricha ke umbas iya.

Peratika sereta berunding dulu maya meri litaricha ngagai orang lebuh nginjil ba endur orang mayuh. (Mat. 7:6) Ari ke semina meri litaricha ngagai orang ke mansa, uji berandau enggau sida ngambika nemu minat sida. Ulih nuan nyaut au ngagai siti ari tanya ba kutak begian tu? Enti nuan tusah deka nemu minat orang nya, beri meh iya surat mit. Taja pia, enti iya minta majalah tauka litaricha ke bukai, kitai enggau gaga ati meri iya nya.—J-lam. 3:27, 28.