Pengadang nya baka sauh. (Heb. 6:19) Iya nulung kitai nyeliahka pengerusak ba pengarap lebuh kitai napi penusah. (1 Tim. 1:18, 19) Penusah tu nyengkaum penyalah ke digaga kitai, lenyau reta tengkira, sakit raya, pemati orang ti dikesayauka tauka utai bukai ke ulih ngachau penetap ati kitai.

Pengarap enggau pengadang nulung kitai meda berekat ti disemayaka enggau terang. (2 Kor. 4:16-18; Heb. 11:13, 26, 27) Nyadi, sekalika pengadang kitai ba serega tauka ba dunya, kitai patut seruran ngidupka iya enggau belematika semaya ke dipadah ba Bup Kudus. Udah nya, lebuh kitai tusah ati ketegal penanggul, tu ulih nulung kitai senang agi ngetanka pengaga ati kitai.—1 Pet. 1:6, 7.

PEDA VIDEO GAGA ATI KE PENGADANG KITA, LALU SAUT TANYA TU:

• Nama kebuah Moses teladan ti manah?

• Nama tanggung pengawa tuai bilik?

• Nama topik ke ulih dikerandauka nuan ba Belajarka Bup Kudus ba Diri Sebilik?

• Baka ni pengadang ulih nulung nuan napi penanggul enggau berani?

• Nama berekat ke dianti nuan?