Kitai deka manjah benih pemendar ke udah ditanam kitai. (1 Kor. 3:6) Lebuh kitai tetemuka orang ke bisi minat, manah enti kitai ninggalka siti tanya ke ulih dikerandauka kitai maya kitai datai ngabas. Tu deka ngasuh iya enda sabar nganti penatai kitai baru, lalu ngenyenangka agi pengawa kitai ke nyediaka diri maya datai ngabas. Lebuh kitai datai ngabas, kitai ulih madahka iya kitai datai baru laban deka nyaut tanya ke ditinggalka kitai dulu agi ari nya.

• Lebuh nyediaka chara nginjil ari rumah ke rumah, sengkaum siti tanya ke deka disaut lebuh datai ngabas. Saut iya patut bisi ba litaricha ke disadung kitai. Tauka siti tanya ke ulih disaut ngena siti ari litaricha ke dikena kitai belajar, ke deka diberi nuan lebuh nuan datai ngabas.

• Lebuh nutup randau enggau orang ke bisi minat, padahka ngagai iya nuan keran deka berandau enggau iya baru, lalu padahka siti da agi tanya ke udah disediaka nuan. Enti ulih, tanya chara baka ni ulih betemu enggau iya baru.

• Enti nuan besemaya deka datai ba siti-siti jam, keamatka semaya nuan.—Mat. 5:37.