Orang Israel begunaka mayuh pengawa enggau belanja kena nirika Rumah Sembiang. Taja pia, sida nyukung pengawa nya enggau ransing. (1 Ban. 29:2-9; 2 Ban. 6:7, 8) Pengudah Rumah Sembiang nya tembu digaga, pengawa sida ke nyaga Rumah Sembiang nya nunjukka sekalika pengarap sida kering tauka lemi. (2 Raj. 22:3-6; 2 Ban. 28:24; 29:3) Kemaya hari tu, orang Kristian ngena mayuh jam enggau pengering kena nirika, meresi, sereta nyaga Palan Gempuru enggau Palan Gempuru Besai. Taja pia, bekereja enggau Jehovah ba pengawa tu endang siti peluang ti besai sereta siti ari begian sembah kitai ngagai Jehovah.—Mas. 127:1; Pem. 7:15.

• Ngemas tiap kali pengudah gempuru. Enggau naka ulih meh nyaga pemeresi ba kandang endur kitai duduk.

• Meresi sereta nyaga Palan Gempuru enggau tetap. Enti mayuh orang ulih enggau gawa, pengawa nyadi lempung sereta ngerinduka ati.—lv 92-93 ¶18.

• Nyukung ngena duit pemeri. Indah “dua singkap duit engkeraju, ti mimit amat rega” ke diberi ari ati ngerinduka ati Jehovah.—Mrk. 12:41-44.

• Sukarela nulung nirika sereta ngaduka bengunan teokratik enti kitai ulih. Tu enda begunaka peneleba.