Kitai diau ba dunya ke ngumbai utai ti manah nya jai, lalu utai ti jai nya manah. (Isa. 5:20) Tang sayau amat, sekeda orang ngereja utai ti dipegedika Jehovah. Tu nyengkaum ulah ti kamah entara sida ke sama penempa. Bala kaban ba sekula tauka orang bukai engka nguji mai bala anak kitai nitihka runding sida. Baka ni nuan ulih nyediaka anak nuan ngambika ulih mujur napi penguji ke baka tu?

Ajar anak nuan pasal standard Jehovah. (Lew. 18:3) Belubah-lubah ngajar sida utai ti dipadah Bup Kudus pasal seks. Utai ke patut diajar nuan bepanggai ba umur sereta utai ti ulih dimeretika sida. (U-dat. 6:7) Tanya diri empu: ‘Kati aku udah ngajar anak aku “chara tegu ke enda patut” ari orang bukai, kebuah patut begari enggau pengumbas iya, sereta kebuah orang bukai patut bebasaka utai ke dipilih sida? Kati anak aku nemu utai ke patut digaga iya enti orang bukai nunjukka iya pornografi tauka ngasuh iya ngereja utai ti dikumbai Jehovah salah?’ Enti kitai tumu agi ngajar sida, nya deka nulung sida nyeliahka diri ari mayuh penusah. (J-lam. 27:12; P-jar. 7:12) Lebuh nuan ngajar bala anak nuan, nya nunjukka pengerindu ngagai pemeri ti berega ke diberi Jehovah.—Mas. 127:3.

PEDA VIDEO NGAGA RUMAH KE ULIH TAN—JAGA ANAK NUAN ARI “UTAI TI JAI,” LALU SAUT TANYA TU:

• Nama kebuah sekeda apai indai kakang deka ngajar anak sida pasal seks?

• Nama kebuah apai indai patut ngajar anak sida ‘dalam disiplin enggau ajar Jehovah’?—Eps. 6:4

• Nama utai ke disediaka gerempung Jehovah kena nulung apai indai ngajar bala anak sida pasal seks?—w19.05 12, kutak

• Nama kebuah nuan patut suah berandau enggau anak nuan sebedau penusah nyadi?