Enti nuan seiku nembiak Kristian ke bedau dibaptisa tauka seiku pemelajar Bup Kudus, kati nuan bisi juluk ati deka dibaptisa? Nama kebuah nuan patut dibaptisa? Nuan deka bulih kaul ti spesial enggau Jehovah lebuh nuan nyerahka diri ngagai Iya sereta dibaptisa. (Mas. 91:1) Pengawa nya mega ulih nyelamatka nuan. (1 Pet. 3:21) Baka ni nuan ulih ngaga pemansang ngambika dibaptisa?

Nuan empu patut nemu, tu meh pemendar. Gaga meh pansik lebuh nuan bisi tanya. (Rom. 12:2) Peratika sebarang utai ke patut diubah nuan, lalu gaga ubah nya ketegal deka ngerinduka ati Jehovah. (J-lam. 27:11; Eps. 4:23, 24) Seruran besampi minta tulung ari Iya. Pechaya meh Jehovah deka ngering sereta nyukung nuan ngena roh kudus Iya. (1 Pet. 5:10, 11) Nuan deka bulih asil enti nuan bebendar ngereja nya. Nyembah Jehovah nya jalai pengidup ti pemadu manah!—Mas. 16:11.

PEDA VIDEO JALAI NUJU BAPTISA, LALU SAUT TANYA TU:

• Nama penanggul ke patut diputarka sekeda orang ngambika ulih dibaptisa?

• Baka ni nuan ulih ngemansangka pengarap ti diguna ngambika ulih nyerahka diri ngagai Jehovah?

• Nama utai ke udah meransang sekeda orang kena ngaga pemansang ngambika layak dibaptisa?

• Nama berekat ke diulih orang ke milih deka nyembah Jehovah?

• Nama reti nyerahka diri enggau dibaptisa?