Sama baka Jehovah ke ngatur orang Israel, Iya mega ngatur bala nembiak Iya kemayaharitu kena ngereja peneka Iya. Ba serata dunya, pampang opis, pelilih, eklisia, sereta raban nginjil bekerejasama ngambika berita manah ulih dikerembaika. Kitai nginjil ngagai semua orang, nyengkaum sida ke ngena bansa jaku bukai.—Pem. 14:6, 7.

Kati nuan kala berunding deka belajar bansa jaku bukai ngambika ulih nulung orang bukai belajarka utai ari Bup Kudus? Taja pan nuan nadai awak kena belajarka siti-siti bansa jaku, nuan ulih ngena aplikasi JW Language ngambika ulih ngenataika randau ti senang. Pengudah nuan ngena nya ba pengawa nginjil, nuan engka ngasaika utai ti sama baka ke diasaika orang Kristian ba abad keterubah. Sida berasai amat gaga ati lebuh orang ari menua bukai alit ati ningaka ‘pemesai pengawa Petara’ dalam jaku sida empu.—SKR. 2:7-11.

PEDA VIDEO NYADI PANGAN JEHOVAH—NGINJIL NGENA BANSA JAKU BUKAI, LALU SAUT TANYA TU:

• Kemaya aplikasi JW Language ulih nulung nuan?

• Nama sekeda utai ke bisi dalam aplikasi nya?

• Nama bansa jaku ke dikena ba kandang endur nuan nginjil?

• Nama patut digaga nuan enti orang ke ngena bansa jaku bukai bisi minat enggau pesan Perintah Petara?—od-ML 100-101 ¶39-41