Nama penanggul ke ditapi nuan ninting hari? Kati nuan nya tuai bilik ke megai mayuh tanggungjawap? Kati nuan seiku apai tauka indai tunggal ke tusah deka melanja diri sebilik? Kati nuan nembiak ke dibuli lebuh ba sekula? Kati nuan benung napi penanggul ba pengerai tauka majak tuai? Semua orang bisi napi penanggul. Bisi orang Kristian ke napi mayuh penanggul ba maya ti sama. Taja pia, kitai nemu enda lama da agi, Jehovah deka ngelepaska kitai ari penanggul ke ditapi kitai diatu.—2 Kor. 4:16-18.

Nyentuk ngagai maya nya, kitai ulih tetemuka pengelantang lebuh nemu Jehovah meretika penanggul kitai, beterima kasihka penaluk sereta pengetan kitai, sereta deka meri berekat ti besai ngagai kitai. (Jer. 29:11, 12) Jesus mega ibuhka kitai. Jesus meransang kitai seraya kitai ngereja tanggungjawap Kristian kitai. Ku iya: “Aku deka seruran enggau kita.” (Mat. 28:20) Lebuh kitai belematika pengelepas kitai ke jemah ila ba baruh Perintah Petara, kitai negapka agi pengadang sereta pengeran kitai ngambika ulih betan napi penanggul diatu.—Rom. 8:19-21.

PEDA VIDEO MENGKANG BERATIKA JESUS SERAYA RIBUT MAJAK SEMAK!—BEREKAT PERINTAH PETARA, LALU SAUT TANYA TU:

• Baka ni mensia nyadi jauh ari Petara, lalu nama empas iya?

• Nama pengadang ke jemah ila ti deka diasaika sida ke tetap ati ngagai Jehovah?

• Baka ni pengadang tu tau nyadi?

• Nama berekat ba dunya baru ke dianti nuan?