Ngambika ulih nyadi pangan Jehovah, pemelajar Bup Kudus enda tau enda milih kaban ti betul. (Ms 15:1, 4) Kaban ti manah ulih nulung iya ngereja utai nitihka standard Jehovah.—Jlam 13:20; lff Pelajar 48.

Maya nulung pemelajar Bup Kudus nyeliahka kaul ti enda manah, uji meretika asai ati iya. Iya engka tusah deka ninggalka kaban lama ke enda nyembah Jehovah. Nya alai, nama ulih digaga nuan? Maya seduai nadai belajarka Bup Kudus, kena meh peluang nya ngayanka pengibuh ngagai iya. Chara nya telipun ngagai iya, nganjung mesej, tauka ngabas iya. Enti pemelajar Bup Kudus nuan mansang ba pengarap, nuan ulih mai sida begulai enggau bala menyadi Kristian. Asil iya, sida deka nemu, utai ti diterima sida mayuh agi ari utai ke udah ditinggalka sida. (Mrk 10:29, 30) Nuan mega deka gaga ati lebuh meda ruang bilik Jehovah majak nambah.

PEDA VIDEO NULUNG PEMELAJAR BUP KUDUS NYELIAHKA KAUL TI ENDA MANAH, LALU SAUT TANYA TU:

• Nama reti kaul ti enda manah?—1Ko 15:33

• Nama utai ke dipikirka Bungai pasal begulai enggau bala menyadi Kristian?

• Baka ni Neeta nulung Bungai ngiga kaban baru ti manah?