Jaku Petara ulih ngubah pengidup kitai. (Heb 4:12) Taja pia, kena bulih penguntung ari iring sereta jaku ajar ba Bup Kudus, kitai patut yakin “jaku nya amat ari Petara.” (1Te 2:13) Baka ni kitai ulih negapka pengarap kitai ngagai Bup Kudus?

Bacha sekeda begian ari Bup Kudus ninting hari. Seraya nuan macha Bup Kudus, giga meh bukti ke nunjukka Jehovah nya Pengarang iya. Ambika chunto, bacha meh jaku lalau ke bisi dalam bup Jaku Dalam, lalu peratika baka ni penemu-dalam ari bup nya agi ulih dikena ba pengidup kitai kemayaharitu.—Jlam 13:20; 14:30.

Berengkah ngaga projek belajar. Nemu enggau manah agi pasal bukti ke nunjukka Bup Kudus nya bepun ari Petara. Dalam Bup Dikena Saksi-Saksi Jehovah Ngiga Pansik, giga di baruh topik “Bup Kudus,” udah nya “Bepun Ari Petara.” Nuan mega ulih negapka pengarap nuan pasal pesan Bup Kudus ke enda kala berubah enggau mansik majalah Menara Jaga kena bulan Julai 2016.

PEDA VIDEO NAMA KEBUAH KAMI ARAPKA . . . JAKU PETARA, LALU SAUT TANYA TU:

• Baka ni dinding rumah sembiang orang Ejip ke ditemu ba Karnak, Ejip nunjukka Jaku Petara nya bendar?

• Baka ni kitai nemu pesan Bup Kudus enda kala berubah?

• Bup Kudus agi bisi nyentuk ngagai kemayaharitu. Baka ni nya nunjukka Bup Kudus endang Jaku ari Petara?—Bacha Isaiah 40:8