Nama kebuah patut besedia? Kecemasan berubat sereta tama sepital ulih nyadi enggau ngenyit. Nya alai, kena meh semua tulung ke bisi disediaka diatu ngambika nuan ulih nerima chara berubat ti pemadu manah ke bisi enti kecemasan nyadi. Enggau ngereja nya, nuan nunjukka diri bebasaka nyawa sereta Adat Jehovah pasal darah.—SKR 15:28, 29.

Nama ulih digaga nuan kena besedia?

• Besampi lalu enggau bejimat ngisi kad Arahan Penjagaan Kesihatan tu. a Penginjil ke udah dibaptisa tau bulih kad DPA ke diri empu sereta Kad Pengenalan (ic) ke anak sida ti agi baruh umur

• Enti nuan ngandung, pinta meh siti salin Maklumat untuk Ibu Mengandung (S-401) ari bala tuai gempuru. Dokumen tu deka nulung nuan ngaga pemutus ti manah pasal penanggul berubat ke engka nyadi maya timpuh nuan ngandung enggau ngadaka anak

• Enti nuan patut bisi prosedur berubat ke bisi kaul enggau darah tauka patut mengkang ba sepital, padahka utai nya enggau tumu agi ngagai bala tuai gempuru. Lalu, padah ngagai piak sepital pasal nuan ke deka nerima abas ari siku pengari Saksi-Saksi Jehovah

Baka ni bala tuai gempuru ulih nulung? Sida ulih ngiring nuan lebuh nuan patut ngisi kad nya. Taja pia, bala tuai gempuru enda ngaga pemutus ke nuan pasal chara berubat tauka madahka runding sida pasal pemutus ke patut digaga tiap iku kitai. (Ro 14:12; Gal 6:5) Lebuh nuan madah ngagai bala tuai gempuru pasal situasi berubat nuan ke engka bisi kaul enggau darah, sida deka enggau jampat ngiga Komiti Besilih Penemu Sepital (HLC) kena nulung nuan.

Baka ni HLC ulih nulung? Bala menyadi Kristian ke gawa ba HLC udah dilatih kena nulung orang ke gawa ba pengawa berubat sereta komuniti ke bisi kaul enggau undang-undang ngambika ulih meretika runding sereta pemutus kitai pasal darah. Sida deka berandau enggau penyaga kesihatan nuan pasal chara berubat ke ulih nyeliahka transfusi darah. Enti patut, sida deka nulung nuan ngiga lutur ke deka bebasaka runding nuan pasal darah sereta ngereja utai baka ke dipinta nuan.

PEDA VIDEO CHARA NGAGA PEMUTUS KE BEKAUL ENGGAU CHARA BERUBAT KE NGENA DARAH, LALU SAUT TANYA TU:

• Nama utai ti dipelajar nuan ari video tu ke ulih nulung nuan besedia lebuh bisi kecemasan berubat ke bekaul enggau darah nyadi?

  Your answer