Ba hari ti penudi tu, kitai napi mayuh macham penguji ti tusah. Bisi maya iya, kitai engka ngasaika diri enda ulih tan napi penguji ti kelalu tusah nya. Taja pia, enti kitai terus datai semak ngagai Jehovah, Iya deka nulung kitai tan taja pan napi penguji ti balat ngenusahka ati. (Isa 43:2, 4) Baka ni kitai ulih datai semak ngagai Jehovah maya kitai napi penguji?

Sampi. Lebuh kitai mansutka asai ati kitai ngagai Jehovah, Iya meri kitai pengelantang ba runding enggau pengering ba emosi kena tan.—Plp 4:6, 7; 1Te 5:17.

Gempuru. Kelebih agi diatu, kitai begunaka penerang ti bepelasarka Bup Kudus sereta kaul enggau bala menyadi Kristian ti disediaka Jehovah ba gempuru. (Heb 10:24, 25) Lebuh kitai nyediaka diri, datai ngagai gempuru, sereta ngambi begian dalam program gempuru Kristian, kitai bulih mayuh penguntung ari kuasa kudus Jehovah.—Pem 2:29.

Pengawa nginjil. Kitai deka senang agi betumpu ba utai ti positif enti kitai enggau naka ulih mengkang sibuk ba pengawa nginjil. Kitai mega deka negapka agi kaul kitai enggau Jehovah sereta bala menyadi Kristian kitai.—1Ko 3:5-10.

PEDA VIDEO JEHOVAH DEKA NGIBUN NUAN, LALU SAUT TANYA TU:

• Nama utai ke udah nulung siku menyadi indu ke benama Malu ngambika ulih mengkang semak ngagai Jehovah maya napi penguji?

  Your answer

• Baka Malu, baka ni Masmur 34:18 meri kitai pengelantang maya napi penguji?

  Your answer

• Baka ni pengalaman Malu nunjukka Jehovah meri kitai “kuasa ke ngelui ari pengering mensia” maya kitai napi penguji?—2Ko 4:7

  Your answer