Ninting taun, nembiak Jehovah enda sabar deka nganti maya ulih sama enggau ngintu pengawa Ngingatka Pemati Jesus. Maya timpuh beberapa minggu sebedau enggau pengudah pengawa Ngingatka Pemati Jesus, kitai ngambi peluang nya kena muji sereta meri terima kasih ngagai Jehovah ke pemeri tebus ke udah diberi Iya. (Eps 1:3, 7) Ambika chunto, kitai bebendar deka mai orang ngintu pengawa tu. Sekeda menyadi Kristian ngelengkaka sekeda utai ngambika ulih nyadi pengerintis sukung. Sida deka ngereja 30 tauka 50 jam ba pengawa nginjil kena bulan Mac tauka April. Kati nuan deka ngena mayuh agi awak ba pengawa nginjil maya musin pengawa Ngingatka Pemati Jesus? Nama ulih nulung nuan ngereja nya?

Kesuah iya, kitai deka mujur agi lebuh kitai ngaga pelan dulu. (Jlam 21:5) Enda lama agi kitai deka ngintu pengawa Ngingatka Pemati Jesus. Nya alai, diatu meh maya kena berengkah ngaga pelan. Perundingka baka ni nuan deka ngereja mayuh agi ba pengawa nginjil maya musin tu. Lalu, tentuka utai ke patut dikereja nuan kena nyapai juluk ati nya. Udah nya, minta meh Jehovah merekatka semua usaha nuan.—1Jo 5:14, 15.

Ulih nuan berundingka sekeda chara nuan ulih ngereja mayuh agi ba pengawa nginjil maya musin Ngingatka Pemati Jesus?