Kitai deka ngelantangka ati Jehovah ba semua utai ti digaga kitai. (Jlam 27:11) Kena ngereja nya, kitai patut ngaga pemutus ti ngayanka runding Jehovah taja pan nadai pesan tauka adat ti nyemetak kena ngiring kitai. Nama ulih nulung kitai ngereja nya?

Tetapka rutin belajarka Bup Kudus. Tiap kali kitai macha Bup Kudus, nya baka kitai benung begulai enggau Jehovah. Kitai ulih belajar pasal chara Jehovah berunding enggau beratika chara Iya ngintu nembiak Iya sereta belajar ari chunto sida ti manah enggau sida ti jai ba mata Iya. Lebuh kitai patut ngaga pemutus, kuasa kudus ulih nulung kitai ingatka ajar enggau prinsip ti penting ke udah dipelajarka kitai ari Jaku Petara.—Jhn 14:26.

Gaga pansik. Lebuh nuan patut ngaga pemutus, tanya diri empu, ‘Nama ayat tauka cherita dalam Bup Kudus ke ulih nulung aku meretika asai ati Jehovah pasal pekara nya?’ Besampi meh minta tulung ari Jehovah. Lalu kena meh perengka mansik ke bisi dalam bansa jaku nuan kena nulung nuan ngiga sereta nitihka prinsip Bup Kudus ke sesuai enggau situasi nuan.—Ms 25:4.

PEDA VIDEO KITAI ENDA TAU ENDA “BELANDA ENGGAU ATI TI LIAT”—MAKAI PEMAKAI TI MANAH KE PENGERAI, LALU SAUT TANYA TU:

• Nama penanggul ke ditapi siku menyadi indu ti biak ba pun video nya?

  Your answer

• Baka ni nuan ulih ngena perengka mansik kena nulung nuan lebuh napi penanggul ti sama?

  Your answer

• Baka ni kitai tau bulih penguntung lebuh kitai ngena awak ngaga pansik sereta ngereja pengawa belajarka Bup Kudus kediri empu ke ulih nulung kitai ngaga pemutus ti manah?—Heb 5:13, 14

  Your answer