19-25 Februari
MASMUR 8-10
Lagu 2 enggau Sampi | Jaku Pemuka (1 min.)
1. ‘Aku Deka Meri Terima Kasih ngagai Jehovah’!
(10 min.)
Jehovah kelalu manah enggau kitai (Ms 8:3-6; w21.08 3 ¶6)
Kitai gaga ati muji Jehovah enggau madahka orang bukai pasal utai ti manah ke dikereja Iya (Ms 9:1; w20.05 23 ¶10)
Kitai mega muji Jehovah lebuh kitai belagu ngagai Iya enggau pengabis ati (Ms 9:2; w22.04 7 ¶13)
TANYA DIRI EMPU, ‘Nama agi chara ke bukai aku ulih muji Jehovah?’
2. Penemu Bup Kudus ti Berega
(10 min.)
-
Ms 8:3—Nama utai ke dipelajarka David lebuh iya belematika utai ke ditempa Petara? (w23.03 19 ¶14)
-
Nama penemu ti berega ke ditemu nuan ari macha Bup Kudus minggu tu?
3. Macha Bup Kudus
(4 min.) Ms 10:1-18 (th Pelajar 11)
4. Ngepunka Randau
(3 min.) NGINJIL ARI RUMAH KE RUMAH. Orang ke bempu rumah madahka diri empu enda pechayaka Petara bisi. (lmd Pelajar 5 poin 4)
5. Datai Ngabas
(4 min.) NGINJIL ENGGAU ENDA FORMAL. Sebedau tu, orang nya kala madahka diri enda pechayaka Petara bisi, tang iya setuju deka berandauka bukti ti nunjukka Penempa nya bisi. (th Pelajar 7)
6. Cheramah
(5 min.) w21.06 6-7 ¶15-18—Tema: Tulung Bala Pemelajar Nuan Muji Jehovah. (th Pelajar 10)
Lagu 10
7. Nginjil enggau Enda Formal Ngena Chara ti Selesa
(10 min.) Kerandauka.
Siti chara kitai ulih muji Jehovah iya nya ngena semua peluang deka nginjil lebuh betemu enggau orang ba sebarang maya. (Ms 35:28) Keterubah iya, kitai engka berasai kesal ati lebuh meri saksi enggau chara ti enda formal. Taja pia, enti kitai belajarka chara ngepunka sereta neruska randau enggau chara ti selesa, kitai ulih ngemansangka pengelandik kitai lalu rindu agi enggau pengawa tu!
Mainka VIDEO Seruran “Besedia Nusui Berita Manah” pasal Pengelantang—Ngiga Peluang Endur Nginjil. Udah nya, kerandauka tanya tu:
Nama utai ke dipelajar nuan ari video tu ti ulih nulung nuan nyadi landik agi ba pengawa nginjil enggau enda formal?
Tu sekeda tip ke ulih nulung nuan ngepunka randau:
-
Giga peluang deka ngepunka randau enggau orang bukai ninting kali nuan bejalai. Besampi pasal utai nya, lalu pinta Jehovah ngiring nuan ngagai orang ke deka ninga
-
Nyadi peramah lalu ngayanka minat ngagai orang ke ditemu nuan. Uji ngelala iya mimit ngambika nuan nemu ni bagi topik Bup Kudus ti ngena ba iya
-
Enti ulih, uji meri iya lumur talipun nuan tauka minta lumur iya
-
Anang meh asa ati enti randau nya teketu sebedau nuan sempat meri saksi
-
Terus meh berundingka orang nya pengudah nuan betemu enggau iya. Terus nunjukka diri ibuhka iya enggau nganjung iya link ngagai ayat Bup Kudus tauka artikel ba jw.org
Uji tu: Enti bisi orang nanya, ‘Nama pengawa nuan ujung minggu sari nya?,’ padahka iya utai ke dipelajar nuan ba gempuru tauka pengawa nuan ti ngajar Bup Kudus ngagai orang.
8. Utai ti Diguna Raban Gempuru
(5 min.)
9. Gempuru Belajarka Bup Kudus
(30 min.) bt Pelajar 6 ¶1-8 enggau Jaku Pemuka ke Begian 2
