9:62

Orang ke bekebun enda malik ke belakang maya ngeradu tanah ngambika ulih ngaga bakut ti lurus. Pia mega, orang Kristian enda malik ngagai utai ti udah dilengkaka iya ba dunya tu ke ulih ngelimpangka iya.—Plp. 3:13.

Lebuh napi penanggul, kitai engka inginka gaya pengidup kitai sebedau nerima pemendar. Kitai ngumbai pengidup kitai suba manah agi lalu penanggul ke ditapi kitai semina mit aja. Tu meh utai ke digaga orang Israel pengudah sida pansut ari menua Ejip. (P-pau. 11:5, 6) Enti kitai terus berunding baka nya, kitai engka pulai baru ngagai gaya pengidup ke suba. Kena nyeliahka tu, kitai patut berundingka berekat ke diulih kitai diatu lalu betatika pengelantang ke deka diterima kitai di baruh Perintah Petara!—2 Kor. 4:16-18.