Ngasika Petara datai ari ati. (J-lam. 3:1) Nya alai, maya kitai ngajar, kitai patut bebendar negu ati bala peninga kitai. Baka ni?

Anang semina ngajar pemelajar nuan pasal pemendar Bup Kudus aja. Tang tulung iya meretika, baka ni pemendar Bup Kudus ulih nulung iya ba pengidup sereta kaul iya enggau Jehovah. Tulung iya meretika, baka ni standard Bup Kudus nunjukka pengerindu, pemanah, sereta pengelurus Petara. Kena tanya enggau manah ngambika iya ulih nemu asai ati iya pasal utai ke benung dipelajarka iya. Tulung iya berundingka pasal penguntung ke deka diulih iya enti iya ngubah ulah tauka tebiat iya ti enda manah. Lebuh nuan meda pemelajar nuan rinduka Jehovah ari ati, pengaga ati nuan deka nambah.

PEDA VIDEO NGASAIKA PENGAGA ATI LEBUH NGAGA MURID—NGEMANSANGKA PENGELANDIK—NEGU ATI ORANG, LALU SAUT TANYA TU:

• Bekaul enggau utai ke udah dipelajarka seduai iya, nama kebuah Neeta nanya Bungai: “Bisi nuan berundingka pasal nya?”

• Baka ni Neeta nulung Bungai meretika standard Bup Kudus nya ngayanka pengerindu Jehovah ke iya?

• Baka ni Neeta nulung Bungai nemu chara iya ulih nunjukka pengerindu iya ngagai Petara?