Bup Kudus ngasuh kitai bebasaka menyadi Kristian ke tuai baka indai sereta apai diri, lalu sida ke biak baka menyadi diri. (Bacha 1 Timoti 5:1, 2.) Bala menyadi ke lelaki kelebih agi patut bebasaka bala menyadi ke indu.

Menyadi ke lelaki enda patut betundi enggau chara ti enda ngayanka basa tauka ngereja utai ke ulih ngasuh menyadi indu nya berasai enda nyamai lebuh begulai enggau iya. (Jop 31:1) Menyadi lelaki ke agi bujang enda patut ngasuh menyadi indu ke agi dara berunding, menyadi lelaki nya deka ngembuan kaul ti romantik enggau iya tang kebendar iya enda.

Bala tuai gempuru patut mending enggau manah lebuh bala menyadi ke indu nanya sida enggau bebasa tauka nyebut sekeda utai ke patut diperatika bala tuai gempuru. Bala tuai gempuru kelebih agi patut ibuhka bala menyadi indu ke nadai laki.—Rut 2:8, 9.

PEDA VIDEO AYANKA PENGERINDU TI ENDA NEMU ABIS NGAGAI SEMUA MENYADI KRISTIAN KITAI—SIDA KE PATU BALU, LALU SAUT TANYA TU:

• Baka ni eklisia ngayanka pengerindu ngagai menyadi Myint?

• Baka ni pengerindu ti diayanka eklisia meri saksi ti manah ngagai orang ba kandang endur iya diau?

• Baka ni pengerindu ti diayanka eklisia meransang bala anak indu menyadi Myint?

Baka ni nuan ulih nunjukka pengibuh ngagai bala menyadi ke indu ba eklisia nuan?