Pengibuh reti iya nemu runding, sereta asai ati orang bukai. Pengibuh mega mai reti nemu bebasa sereta nemu utai ti diguna orang bukai. Orang bukai ulih nemu enti kitai ibuhka sida. Enti kitai amat deka nulung orang bukai, nya deka meransang kitai ngayanka pengibuh ngagai sida. Lebuh kitai ngayanka pengibuh ba pengawa nginjil, kitai neladan pengerindu sereta pengibuh Jehovah. Lalu, tu deka ngasuh orang semak ngagai Iya.—Plp. 2:4.

Ngayanka pengibuh ukai semina chara ke dikena kitai ngajar. Kitai ngayanka pengibuh lebuh kitai mending enggau manah sereta nelap. Kitai mega ngayanka pengibuh nengah ulah, gaya tubuh enggau mua kitai. Pengibuh mega diayanka lebuh kitai nunjukka minat ngagai orang bukai ari ati. Kitai deka nemu utai ti dikerinduka iya, utai ti dipechayaka iya, sereta gaya pengidup iya. Kitai madahka utai ti ulih nulung iya, tang anang mejal iya berubah. Enti orang bukai nerima tulung ari kitai, nya ulih nambahka pengaga ati kitai ba pengawa nginjil.

PEDA VIDEO NGASAIKA PENGAGA ATI LEBUH NGAGA MURID—NGEMANSANGKA PENGELANDIK —AYANKA PENGIBUH, LALU SAUT TANYA TU:

• Baka ni Neeta ngayanka pengibuh maya Bungai laun datai belajar?

• Baka ni Neeta ngayanka pengibuh maya Bungai madahka diri stres enggau pengawa ba sekula iya?

• Baka ni Neeta ngayanka pengibuh maya Bungai madahka pasal pengidup diri ke enda entu teratur?