Ba bulan September, kitai deka bebendar ngepunka pengawa belajarka Bup Kudus enggau semua orang, ngena brosur Idup enggau Lantang Belama Iya! Bala penginjil ulih nyadi pengerintis sukung lalu ulih milih deka nyapai 30 jam. Baka ni kitai ulih bejalaika kimpin spesial tu?

• Maya Keterubah Datai: Kena meh lambar ba belakang brosur nya ngambika ulih narit minat orang, lalu uji padahka iya chara belajar. Uji ingatka orang ke kala ngayanka minat, nyengkaum sida ke kala diabas kitai. Taja pan suba sida kala nulak belajarka Bup Kudus, sida engka bisi minat enggau brosur sereta chara belajar ti baru. Anang ninggalka brosur ba rumah ke nadai orang, tauka anang nganjung surat seretai enggau brosur ngagai orang ke nadai minat. Komiti Nginjil Eklisia ulih ngatur mayuh agi gempuru ke pengawa nginjil dipejalaika dalam bulan nya.

• Peluang Bukai: Enti eklisia nuan bisi ngena troli litaricha, pandangka brosur Idup enggau Lantang Belama Iya! Enti bisi orang ke beminat ngambi brosur nya, padah ngagai iya, iya ulih belajarka Bup Kudus enggau pechuma. Maya nya, nuan ulih nunjukka chara belajarka Bup Kudus, tauka ngaga atur belajar enggau iya ba maya bukai. Tuai pengawa nginjil ulih ngatur bala menyadi ke layak nginjil ba endur bedagang lalu ngepunka pengawa belajarka Bup Kudus. Nuan mega ulih ngepunka pengawa belajarka Bup Kudus enggau orang ke sama gawa tauka enggau orang ke ditemu nuan lebuh nuan nginjil enda formal.

Jesus ngasuh kitai ‘ngaga murid . . . lalu ngajar sida.’ (Mat 28:19, 20) Arapka kimpin tu nulung kitai nyapai juluk ati deka ngepunka pengawa belajarka Bup Kudus ngena Idup enggau Lantang Belama Iya!