Ba bulan September, kitai deka bebendar nulung orang nemu, semina Perintah Petara aja ke ulih mutarka penanggul mensia. (Mat 24:14) Baka ni nuan ulih enggau pengawa tu? Bekunsika siti ayat Bup Kudus pasal Perintah Petara ngagai naka pemayuh orang ke ulih ditemu nuan ba bulan nya. Enti bisi orang ngayanka minat, beri meh ngagai iya siti salinan majalah Menara Jaga No. 2 2020 edisi ke orang mayuh. Udah nya, uji ngabas orang nya enggau naka pengelengkas, lalu uji ngepunka pengawa belajarka Bup Kudus enggau iya ngena brosur Idup enggau Lantang Belama Iya! Semua ke nyadi pengerintis sukung ba bulan September ulih milih deka ngereja 15 tauka 30 jam ba pengawa nginjil.

Enda lama da agi, Perintah Petara deka ngemunaska semua perintah mensia ke ngelaban Iya. (Dan 2:44; 1Ko 15:24, 25) Awakka semua kitai ngena peluang ti spesial tu ngayanka penaluk kitai ngagai Jehovah sereta Perintah Iya!