Juluk ati ba pengarap nyengkaum sebarang utai ke digaga kitai enggau bebendar ngambika ulih gawa ke Jehovah enggau mayuh agi sereta ngagaka ati Iya. Juluk ati tu nulung kitai nyadi orang Kristian ti matang, lalu sebarang pengorbanan ke digaga kitai ke juluk ati nya, baka ngena pengering enggau awak, endang enda lebu ngapa. (1Ti 4:15) Nama kebuah kitai patut suah beratika juluk ati kitai? Laban situasi kitai ulih berubah. Juluk ati kitai ti suba engka enda ulih dijapai agi, tauka kitai engka udah nyapai iya lalu patut netapka juluk ati ti baru.

Maya ti manah kena beratika juluk ati kitai iya nya, sebedau taun nginjil ti baru berengkah. Lebuh bejalaika pengawa belajarka Bup Kudus ba diri sebilik, ulih tiap iku ba diri sebilik netapka juluk ati ke diri empu, sereta juluk ati ke deka digaga kita sebilik?

Nama juluk ati nuan ti nyemetak ba begian tu, lalu baka ni nuan deka nyapai iya?